Wezîrê Rewşenbîrî û Lawan ê Hikûmeta Herêma Kurdistanê birêz Hemeyê Heme Seîd piştgiriya xwe ji bo Kompaniya Agora Vision nîşan da û diyar kir ku karîne di demeke kurt de xizmeteke berçav a rewşenbîriya Kurdî û xwendkearên Kurd li navxwe û derve bikin. Li beramber jî kompanya Agora Vision sipasî û pêzanînên xwe pêşkêşî helwesta wî ya ciwan û piştgiriya wî ya ji bo projeyê kir. Di hevdîtinê de xala hevbeş a navbera herdu aliyan hat gotûbêjkirin. Herdu alî li ser wê yeke hemfikir bûn divê pêwendiyên di navbera wan de bi armanca xizmetkirina rewşenbîrî û çanda Kurdistanê zêdetir bibe.